Markab “shidaal u geeyay” Kuuriyada Waqooyi oo “la qabtay”

Kuuriyada Koonfureed ayaa shaacisay in bishii la soo dhaafay ay qabatay marka ka diiwaan gashan Hong Kong, kaas oo looga shakiyay in uu shidaal u geeyay Kuuriyada Waqooyi oo cunna qabateyn ay saaran tahay.

Saraakiisha waxay sheegayaan in markabka loo yaqaano Lighthouse Winmore uu si qarsoodi ah ugu wareejiyay 600 oo tan oo shidaal ah, markab kale oo ay leedahay Kuuriyada Waqooyi.

Qaraarka Qaramada Midoobey wuxuu mamnuucayaa in maraakiib ay isku wareejiyaan alaab u socota maamulka Pyongyang.

Fashilkan ayaa imaanayo iyadoo Shiinaha uu beeniyay eedaha kaga imaanaya madaxweynaha Mareykanka Donald Trump oo sheegay in Beijing ay ogolaatay in shidaal loo geeyo Kuuriyada Waqooyi.

Markabka Shiinaha ayaa galay dekadda Yeosu ee Kuuriyada Koonfureed, 11-kii Oktobar, wuxuuna ka qaaday Shidaal cayriin ah, afar maalmood ka dib wuxuuna u dhaqaaqay dhanka Taiwan, sida ay qortay wakaaladda wararka ee Yonhap.

Laakiin, markabka ayaa 19-kii Oktobar, shidaalka ku wareejiyay markab ay leedahay Kuuriyada Waqooyi iyo doomo yaryar oo ku sugnaa biyaha caalamiga ah, sida ay sheegeen saraakiisha Kuuriyada Koonfureed.

HARGAYSA(RAADGOOB.COM)




Leave a Reply

Your email address will not be published. Required fields are marked *

%d bloggers like this: