Maydadka Tahriibayaal laga helay xeebaha Spain

Talaada janaayo16,1,2018

7 qof oo Tahriibayaal Afrikan ah ayaa ku dhintay Jasiirada Lanzarote, Canary iyaga oo isku dayaya in ay gaaraan dalka Spain,sida ay booliiska dalkaasi sheegeen.

Shan nin ayaa maydkooda laga dhex helay dooni meel xeeb ah.

Booliiska ayaa waxay sheegeen in laba nin oo kale oo ay u suuragashay in ay doonidaasi ka baxaan ay dhinteen ka dib markii ay isku dayeen in ay u soo dabaashaan dhanka xeebta Teguise.

Sida ay sheegtay xukuumadda Spain muhaajiriintan ayaa asal ahaan ka soo jeeday wuqooyiga Afrika.

  1. Masar oo 56 qof u xukuntay dhimashada tahriibayaal
  2. Tirada tahriibayaasha ku dhintay badda
  3. Dumarku todobaad gudihii wax ma kaga bedeli karaan dunida?

18 ka mid ah muhaajiriintani oo ka badbaaday doonidan ayaa imika lagu dawaynayaa isbataalada dalkaasi.

Waxa sababay dhimashada shanta qof ee doonida laga dhex helay maydkooda ayaan wali caddayn ,balse booliiska ayaa waxa ay sheegeen in lag yaabo in ay biyaha ku qaraqmeen.

Afhayeen u hadlay ciidamada ilaalada xeebha Spain ayaa u sheegay wakaladda wararka ee AFP in saddex ka mid dadka dhintay laga yaabo in ay caruur yihiin.

Lanzarote ayaa qayb ka ah jasiirada Canary waxa ayna xeebaha dalka Morocco u jirtaa 81 Mayl.

bbc




Leave a Reply

Your email address will not be published. Required fields are marked *

%d bloggers like this: