Raadgoob.com
Waddo Hindiya ku Taala Oo Duntay Islamarkaana Ay Ku Dhinteen 18 qof + Maxaa Sababay Dumista Wadada
May 16, 2018 - Written by admin

Ugu yaraan 18 ruux ayaa ku dhimatay dadkale oo baddana way ku hoos xannibmeen ka dib markii ay waddo dhulka ka sarraysa ku duntay magaalada Varanasi ee dalka Hindiya, iyadoo ku habsatay baabuur hoos maraysay.

Waddada ayuu wali dhisme ku socday markii ay qayb ka mid ah duntay, waxaana furnayd oo gawaaridu adeegsanayeen waddo kale oo hoos marta.

Shaqaale ka socda gurmadka degdegga ah ayaa sheegay in ilaa iyo hadda la helay 18 ruux oo mayd ah.

Waxaa socda gurmad lagu baadigoobayo dadka wali la rumaysan yahay in ay ku hoos jiraan gawaarida, balse tiradooda iyo xaaladda ay ku sugan yihiin ayaan wali war laga haynin.

Sawirro iyo muuqaallo laga qaaday dhacdadan ayaa muujinaya gawaari iyo bas ku hoos xaniban burburka oo ay dad ku jiraan.

Qaar ka mid ah gawaarida ayay qayb ahaan ugu habsatay waddada soo duntayLahaanshaha sawirkaAFP
Image captionQaar ka mid ah gawaarida ayay qayb ahaan ugu habsatay waddada soo duntay

Warbaahinta gudahu waxay ku warramaysaa in tiro dad ah la badbaadiyay iyaga oo badqaba, iyadoo toddobo wiish ay daabuleen qaar ka mid ah shubabkii soo dumay. Dad badan ayaa sidoo kale isugu soo arruuray goobtaas.

Qaar ka mid ah goob joogeyaasha ayaa saxafiyiinta u sheegay in ay ka ag dhawaayeen marka ay waddadu dumaysay, “ugu yaraan afar gaari, hal bajaaj iyo bas yar ayay waddadu ku duntay” ayay dhaheen.

COMMENTS
Latest News