Raadgoob.com
Madaxwayna Somaliland Oo Sheegay Inay Dawlada Qatar ka soo horjeedo heshiiska Dhex Maray DP World iyo Somaliland
March 18, 2018 - Written by admin

Madaxweynaha Somaliland Muuse Biixi Cabdi oo ku sugan dalka Iskutaga Imaaraadka Carabta ayaa ku eedeeyay dowladda Qatar in ay ka soo horjeedo heshiiska dhaxmaray shirkadda DP World iyo Somaliland.

Madaxweynaya ayaa warbaahinta ka hor sheegay in Somaliland wax xiriir ganacsi mid iskaashi ah toona la laheyn dowladda Qatar, laakiin taa badalkeeda xiriir qoto dheer oo soo jireen ah la leedahay dowladda Imaraadka Carabta.

”Waxaan leeyahay Qatar waxaa ay cadaw ku tahay oo ay ka soo horjeedaa heshiiska ganacsi ee dhaxmaray shirkadda DP World iyo Somaliland” ayuu yiri Muuse Biixi oo la hadlayay Warbaahinta Al-Ceyn.

Dowladdaha Imaaraadka iyo Sacuudi Arabia ayuu sheegay in ay ku dhaqan yihiin ganacsato badan oo Soomaaliyeed oo maalgashadayaal ah, halka Qatar uu ku sheegey in ay sidaa oo kale aheyn.

Muuse Biixin ayaa maalmihii ugu danbeeyayba ku sugnaa magaalada Abu Dhabi ayaa kulamo kala duwan halkaa kula yeeshey mas’uuliyiin ka tirsan Imaaraadka iyo Jaaliyada Somaliland ee halkaa ku dhaqan, waxaana uu safarkiisa imanaya xili muran uu ka jiro heshiiska dekedda Bebera oo ay kala saxiixdeen DP World iyo Somaliland.

Hargaysa office

Maxamed Ducaale cabdi

raadgoobnews#gmail.com

COMMENTS
Latest News