Raadgoob.com
Sirddoonka Dalka Mareykanka oo ku Eedeeysay Dilka Wariyihii La Dilay Maxamed Bin Salmaan
November 17, 2018 - Written by admin

Waaxda sirddoonka Mareykanka ee CIA ayaa rumaysan in dhaxal sugaha Maxamed Bin Salmaan uu kasoo baxay amarka lagu dilay weriye Jamaal Kaashugji, sida laga soo xigtay warbaahinta Mareykanka.

Waxay sheegeen inaysan garaneynin cidda dambiga gaysatay balse ay filayaan in howlgalka noocaasi ah ee lagu dilay Jamaal uu ahaa mid isaga uu qalinka ku duugay.

Shir jaraa’id oo uu Khamiistii ku qabtay magaalada Riyaad ayuu ku sheegay ku xigeenka dacwad oogaha, Shalaan bin Rajih Shalaan, in Meydka Khaashuqji lagu dhex jarjaray qunsuliyadda markii uu dhintay.

Dhaxal Sugaha Sacuudiga ayaa la kulmay wiilka Khashogg, ee Salah.
Lahaanshaha sawirkaEPA
Image captionDhaxal Sugaha Sacuudiga ayaa la kulmay wiilka Khashogg, ee Saalax

Hilbihii ayaa loogu dhiibay qof “shaqaale” maxalli ah, meel dibadda ah. Sawir gacmeedka qofka shaqaalaha ah ayaa la sameeyey, waxaana socda baadigoob lagu hayo halka hilbihiisa laga heli karo.

“Khaashuqji ayaa lagu duray cirbad sun ah, ka dib markii uu gacan ka hadal ka dhacay qunsuliyadda Sacuudiga ee Istanbul, 2dii Oktoobar” ayuu ku sii daray.

 

2 Oktoobar ayey ahayd markii ugu dambaysay ee la arko Khaashuqji
Lahaanshaha sawirkaAFP
Image caption2 Oktoobar ayey ahayd markii ugu dambaysay ee la arko Khaashuqji

Dowladda Sucuudiga waxay beenisay eedeymaha ah in Maxamed Bin Salmaan uu wax ka ogaa qorshaha lagu dilay Kaashugji.

Weriye Jamaal Kaashugji ayaa 2-dii bishii Oktoobar lagu dilaya gudaha qunsuliyadda Istanbul, ilaa iyo haataan meydkiisa lama helin.

Turkiga wuxuu ku adkeysanayaa in amarka lagu dilay Kaashugji uu kasoo baxay taliska ugu sarreyo Sucuudiga.

Waxaa dalka Sucuudiga ka socdaa Salaatul qaa’ib lagu tukanayo maydka Jamaal Kashuugji.

COMMENTS
Latest News