Raadgoob.com
Dowlada Denmark Oo Soo Saartay Sharci Takooraya Soo Galootiga Wadankaas Dowladaha Yurub Oo Layaabay Sharcigaas
December 6, 2018 - Written by admin

Dowlada Denmark ayaa soo saartay sharci lala yaabay oo dhigaya in qaxootiga haysta diidmada sharciga Denmark iyo kuwa dembiyada gala ay geynayso jasiirad lagu magacaabo Lindholm.

Jaziiradan ayaa ayaa ah meel lagu baaro xaywaanada qaba cudurada kala duwan, qaxootiga aan sharciga haysan  iyo dadka danbiyada galay ayaa jasiiradan la gaynayaa wixii ka dambeeyey sanadka 2021.

Xisbiga Danske Parti ee dalka Denmark ayaa sheegay in ajaanibta diidmada haysta iyo kuwa dembiga galay aysaan boos ku lahayn dalka.

“Illaa inta laga celinayo waxaan  geyn doonaa ama dajinaynaa jasiiradda Lindholm, halkaasoo ay ku khasban yihiin inay joogaan, boolis ayaana 24 ilaalin doona” ayaa lagu yiri qoraal uu soo saaray xisbiga.

Qaar ka mid ah dowladaha Yurub iyo ururada u dooda xuquuda aadanaha oo ka hadlay arintan ayaa ku tilmaamay mid sharciga ka baxsan, iyagoo sheegay iney ka dhigan tahay dad aan dembi laheyn oo xabsi la gelinayo, iyagoo ku baaqay in laga laabto.

 

 

COMMENTS
Latest News